Content Preview: rss
1450 days ago
遊歷路線：德國Munich-->奧地利Salzburg-->波蘭Warszawa-->波蘭KraKow-->捷克Praha-->匈牙利Budapest-->奧地利Vienna 總洗費：約HK$11600 ($4000來回機票 + $1000機場雜費 + $1100東歐火車証 + $ 5500食住行玩) 最好玩的地方: Krakow 日頭最靚的地方: Praha 夜景最靚地方: Budapest 最乾淨的地方: Salzburg 最污衊的地方: Budapest 最唔鐘意的地方: Praha 生活指數最貴的地方: Vienna 生活指數最平的地方: Krakow 後感: 這種背囊式旅行真係要趁後生試一試，行前唔需要計劃，鐘意去邊就去邊，想留幾耐就幾耐，非常自由。中間亦體驗我們的決策及應變力，我就覺得不枉此行喇。不過我覺得睇多ｄ歷史至好去歐洲，有時我地對住個教堂或建築物，只能狂影去留念，並不能深入去觀賞它們，那是比較可惜，更可惜的是Memory card的失竊同埋Digital Wallet的問題，搞到最後剩返兩成相，有很多地方的記憶都開始模糊，anyway，這都是旅行的一個經歷，亦教識我下次點樣點樣小心的避免這些事件的再次發生。
1450 days ago
朝早食了個價值US2.5的早餐，只係得兩個普通味道的麵包同埋Coffee, 我們就知道為何其他住客都係自己準備早餐，所以我地都決定今晚同埋明早都親自下厨整野食。 今天主遊覽奧地利名勝，最深刻印象都係去過Stephansdom教堂，上過榙頂，高眺維也納的市況；因為我地之前買了張24hr車票，所以我地之後就坐上電車，漫無目的係電車上看看維也納其它地方的景觀，若講市觀維也納當然不及布拉格，不過佢沾有一股無形的文化氣息，提高了整個城市的格調。 其實最可惜的，我地遊了整天，都看不到街頭的音樂表演，唔知係咪同當日有小小雨的關係，定係宜家再冇”落泊”的音樂家呢? 晚黑我地只係總共花了EU3係超市買了材料，親自整了茄湯午餐肉通粉，總覺得十分美味，終於唔洗再捱麵包喇。 第二朝我地繼續慳，自己整Cream Mushroom茵意粉，又係用了EU3，ｄ歐洲房客唔知係咪朝早都係鍾意食麵包，見我地係到ｏ趙意粉，就用好出奇的眼光望住我地 食過早餐，執好行李，已表示這個行程即將完結的意思。其實都玩了好多天，反而沒有玩得不盡興或不捨得歐洲的心情，掛念屋企就有。 玩了咁多日，都咪話唔tired，諗住好好地訓覺，點知架機座位爆滿，我地仲要被編坐係4座位的中間那兩個位，咁都未夠離譜，，坐我側邊仲編了個麻煩鬼佬，第一程機我好想訓覺的時候，佢係咁郁，又得閒隔幾分鐘係度大聲的自言自語，有時就伸了隻腳去我那邊，情況一直持續至第二程機，搞到我5個鐘都訓唔到，第二程機又係爆滿，同埋係唔洗落機去轉機，所以坐位編排沒變，今趟到佢好乖咁訓著了，但因為我己經過了眼訓的時間，我真係訓唔著，眼光光的又坐了4粒鐘，真係人都癲，坐長途機遇著咁都真係黑仔。1457 days ago
睇旅遊書知道Budapest有得浸溫泉，我地哽唔可以錯過啦，帶住短褲去市立公園附近的溫泉浴，嘩，入場費平到震，EU8入場費，若兩個鐘內浸完，可以refund EU2.8，內裏設施好乾淨，室外場好歐陸式，仲有人一路浸，一路捉西洋棋，那個場境其實應驗了一個我上年發過的夢境，當時我夢見自己去了一個歐陸式露天浴場浸浴，我當時起身仲話俾自己聽係咪將來會去歐洲呢？ 室內場就係一些大大小小的醫療用的浴池，有少少藥水味，始終都係室外池正ｄ，室外池仲有按摩出水口，真係極之嘆，不過上水衝返入去室內時，那種滋味就．．．．．（當時係10度以下） 浸完浴，遊歷多天的疲倦身軀終可放一放，當天下午我們便搭火車返回今次旅程的最後一站，奧地利維也納。 我們交出火車站給檢票員，佢終於係第三欄填入今天日子，即代表佢承認我地只係第三日用張火車票（查實我地已經係第5日用了），不過都來到最後站，都冇機會再用張火車証，所以可以講冇賺到什麼，只能給我們看見歐洲火車的檢票方法係幾咁兒戲。 3個幾鐘頭火車車程便來到維也納，好快就找到我地想要找的旅舍(EU15)，這旅舍其實都manage都幾好，設施好齊全，連廚房都有，之後我們出去找食，只係8點咋嘛，乜都關哂門，最後竟要洗每人EU6食吉烈豬扒，又貴又熱氣。
