Content Preview: rss
767 days ago
سنه مرت ... فيها حب وفيها فراق(ن) مر وأيام موجعه وأحاسيس تموت فيها غموض .. وفرح ينتحر في ظل السكوت ودموع تتناثر .. وعيون(ن) لها تابوت وأماني صار قلبي فيها كذاب وخاين وأناني كيف؟ مو كنت أنا من ترخص الدنيا عشاني؟ الحين صرت انسان بايع العشرة وأناني؟ أبســـــــــألك ! عن ذيك الوعود ودموع(ن) اجرحت ورد الخدود وأيام(ن) خاصمت عينك الرقود أبســــألك ! عن وفا عاشق .. عن نكرانك والجحود وعن قساوة تخطت كل الحدود وعن صبر(ن) نفذ .. وطعون(ن) ما أنساها أبد وعن حسن ! صار لك هم ونكد وعن أول لقى ! وغرورك وأيام الشقى .. وحب(ن) ترفضي أذكره وأحلام متأخرة وأوراق عمري المتناثرة ! وش بقى ؟ إنسان وضميره صحى شكى لوعة فراقك .. وعذابك وأبد ما استحى !
794 days ago
بعد ما تأكدت إني خارج حساباتك وإني آخر إهتماماتك وسبة آهاتك وإن وجودي في حياتك يكتم أنفاسك بعلن إنسحابي ببتدي برحلة عذابي ولا بشره عليك ولا بزعل لكن أوجه لقلبي عتابي قلبي اللي حب بجنون وحلف إنه مايخون قلبي اللي ملكتيه وبفراقك بيدينك ذبحتيه قلبي اللي احتار يدور من الغلطان أنا ولا إنت ولا الزمــــــــــــــان يمكن إنه الزمان اللي خلاني أعشق وأتصبر وأهداني الوداع ... وماقصر
807 days ago
هيه ... أنا مو لعبه في ايدينك ... ولا ضحيه لمزاجك مره تقول اسكنتني عينك .. ومره تقول بحياتي ما احتاجك أحيان تدعي ربك يجمعنا .. والله لا يفرقنا في الصباح للماضي الحلو ترجعنا وتذكرنا وفي المسا بقسوه ودك تودعنا .. والله فيك احترنا كلنا مر بظروف ... وتحدينا كل خوف .. وعشنا بظلمه مانشوف وصرت عايش ع الأمل .. وانت ِ تدري .. كل مشكله والها حل ليه انت ِ بالذات قلبك من الحب مل ! قلتي اني أول انسان يجتاح قلبك !! وأنا ما جيتك غصب عنك اذكري وارجعي بأيامك للورى .. كنا بكل شي نتفق .. الا إنا نفترق .. اليوم بان كل شي .. مابقول انك أنانيه ! وأنا مو ميت لا أناحي بس بيني وبين الموت شويه ! فجأه أشوف كل لحظه حلوه بحياتي منتهيه لايكون من أول وانت بي مبتليه ! ايه فهمت شكلك مستحيه ! بقول لك شي وافهميني يابنيه كلامي دا كله ماهو استهبال أو راكبتني جنيه ! أقولك أضيع أنتهي لو نسيتيني تردي ببرود وضحك هذي ماهي قضيه ؟ ليه البعد يكون أفضل ! بتقولي مادري ؟ والله تعبت أسأل ! وليه قرارك ماكان من أول ؟ لا يكون حبي طلع كذاب ؟ لا لا كان حبي مثل الكتاب مفتوح كنت بكل شي أبوح وأحاسيسي وصلتها لك بكل وضوح كنت جريء وما أخاف ...
837 days ago
أنا ماجيت ادخل معاك في جبهة قتال جفا وقسوه وملامه وذل ولعب عيال لما حبيت ماكنت أدور وصوف وجمال كنت أبي قلبك وبس كنت ابي قلب يحس قلب لا من سطا جرحي واختفى فرحي ناداني بهمس وصرخ ياعمري شفيك وقال فديتك تعــــــــــــــــــــــــــــــــــال قلب لامن قلت آه وتعب فكري وتاه نسى روحه وجاه وتحدى المحـــــــــــــــــــــــــال قلب مايجف حبه ويخاف ربي وربه قلب يجدد فيني الآمــــــــــــال قلب يحسسني بوجودي وياخذني بالاحضان مثل الأطفــــــــــــــــال !!!
881 days ago
أرى حزنا في عيناك يا ابنتي كأنك تعلمين بحزني كأنك تقولين أبي أطلت الغياب .. واشتقت ِ لحضني لا تلوميني يا ابنتي قست بي أيامي أبي لا أفهم ماتقول ً أبي ألم تنسى شيئا أين هديتي كنت أراك في أحلامي ترتب معي ألعابي بعد أن ابعثرها في غرفتي كنت تعلمني رسم القمر .. وتقول هذا أنتِ أبي لا أريد هديتي فأنت أجمل هديه وأنت دنيتي آه يا ابنتي وأنت ِ أيضاً نور حياتي وليس عجباً إن قلت إنك جنتي أبي .. ابقَ بقربي فأنت نبض قلبي أبي أبي جاء وقت نومي أتذكر حكاية الطفله الحالمه أهي قصه أم هي حكايتي أبي لماذا لا تجيب لمَ كانت تلك الطفله تبكي لحظة الغروب أبي .. أبي أجبني لمَ الهروب لمَ كانت تبكي هل من ألم بها ومنه تشكي إذن سأبكي أنا لتمسح بكفك دمعي فهل سيطول بكائي أبي بدد ما ينتابني من قلق وخوف أهذا هو الحزن الذي أراه في عيناك ابنتي .. ضعي رأسك على صدري ونامي بأمان
