Content Preview: rss
482 days ago
بكل زوار سبيسي إشتقتلكم وايد وأدري اني مقصرة فحقكم وبما انه من زمان ما نزلت بلوق يديد وبما انه ا هالأيام موضة الطوابع وانا الصراحة وايد يعيبوني فحبيت اني اشاركم فيها ماحطيت لا اسمي ولا اسم السبيس على الطوابع للي حاب يستخدمهم او ينقلهم بس أتمنى انكم تقدرون هالشي وتذكرون المصدر عند النقل النموذج وبتحصلون في الملف المضغوط أكثر عن 60 طابع >> للتحميل إضغط هنا << طبعاا في دول ناقصة ونوداي ناقصة فأي حد حاب أسويله طابع خاص فيه ماعليه إلا يطلب ولاتنسون الكومنت كل التحية مزون702 days ago
السلام عليكم يا أحلى زوار شحالكم شو مسوين ؟ بصراحة هالفترة أنا وايد مستانسة ومرتاحة نفسيا لاني أخيرن نجحت في الأيلس وانشاء الله راح ادخل الميجر وأحب أباركلكم بالسنة اليديدة وانشاء الله تكون سنة خير علينا كلنا والله يوفق الجميع يارب اليوم لبلوق اللي راح انزله هو لموضوع كنت منزلتنه من فترة في منتداي الغالي www.lonelyweb. net/vb وقلت لازم أشارك زوار سبيسي فيه الموضوع كان بعنوان شارك معنا بأيقونة وأكيد انه راح يعجب كل عشاق لسمايليز والبكسل سمايليز بدون ملامح وهذاا نموذج لشغلي مزون سمايليز للتحميل اضغط هني أو هون ملاحظة : ف كرة الرسم على لسمايليز من عضو في موقع أرض دبي انشاء الله يعجبكم لبلوق واذا بغيتوو تنقلون اي شي فحلال عليكم لاكن لاتنسون تحفظون الحقوق Copyright © Mzoon 2007896 days ago
يا فبالي اني افتح محل للعبي والشيل وانافس باقي المحلات والسبب اني مرة دخلت المحل اللي يبعون في ورود مجففة فصوص شرايط ازارار واايد حركات فققرت اني اشتريهم ورحت واشتريت شيل سادة وبديت الشغل هذول شيلتين استخدمت فيهم شرايط .. وعقب وديته عند الخياط طبعن الشريط مايكلف اكثر عن 20 درهم حق الطرفين هني اشتريت هالفراشات وحطيت فراشتين في كل طرف وركبت عليهم فصوص باللون البطيخي هني اشتريت وردتين الوحدة بعشر في طرف خليت الوردة كاملة والطرف الثاني قصيت الوردة ونثرت البتلات بس بغيت اقولكم طريقة كيف تكوون تحطون الفصوص او الاشكال اللي تنكوي وعقب تحطون ورقة كمبيوتر فوقها وتكون وبس ... طبعن هذيل من زمان سويتهم بس قلت بنزلهم عشان تاخذون فكرة .... وسويت حركات ثانية وعطيتهم حق ربيعاتي يعني حلووو كفكرة هدية شي تسوونه بروحكم وانتوو وفنكم وتقدرون تسوون شعارات مثلن حرفكم او اسمكم واللي يجوفه مايعرف انكم انتم مسوينه !!! .. وطبعن في هالمحلات راح تلاقون وايد اشياا حلوة سلاسل الفصوص او فصووص حبات بس اهم شي تاخذون اللي تنكوي وانشاء الله الكل يستفيد993 days ago
قبل فترة وزعو علينا كتيب فيه عبارات وايد حلوة من اتحاد الطالبات وحبيت اني أشاركم فيها تمنياتي لكم بمتابعة ممتعة1033 days ago
يوم الجمعة تاريخ 2- 2- 2007م كان يوم ميلاد الشيماء ( اول بنت لولد خالتي ) اللي كملت أول سنة المشكلة انه في نفس هاليوم كانت المسيرة وكان خاطري أروحها بس أحلى شي صار أنه ونحن سايرين بيت خالتي علقنا في جسر الشيخ زايد ماتتصورون كيف فرحت <<< هاللي بغته يعني عالأقل عشت شوي زحمه المسيرة يعني صدق كان وناسة المهم نرجع ليوم ميلاد شيوم طبعا أنا خلوني المصورة احم احم بالفيديووو بس أكيد مافوت الفرصة وصورت كم صورة حق سبيسي الكيكة رهيبة الصراحة شكلها وايد حلووو بس مشكلتي مأحب الكيك شيوم اللي لابسة أصفر واللي عدالها أسومة بنت بنت خالي ههههههههههههههه ادري السالفة طويلة طبعاا هذيل اللي قدرت أزخهم عقب عناءء وصورتهم هاللي وزعوه عاليهال وهذي هداياهم فأكياس خاطري أعرف شو داخلها ؟ وأحلى شي في الموضوع كله إنه ...
