Content Preview: rss
19 hours ago
尋日HAYDEN仲病到C下C下咁去interview 休息咗一日之後好咗好多... 多謝大家關心 如果今日去interview嘅話狀態好唔同 anyways,今日係我哋出席過咁多生日會之中最近屋企嘅地方 主角係HAILEY---HAYDEN媽嘅中學同學兼鄰居SAMMY個女may be係 HAYDEN嘅nursery同學仔呀 (明唔明我寫乜呀?) 佢哋開生日會嘅地點就係我哋個clubhouse嘅function room呀! 真係近到爆呀~ 有到會食呀... 不過HAYDEN媽腸胃炎初癒緊係唔食得啦~ 都係帶HAYDEN嚟玩一陣又要返屋企休息下... HAYDEN係鵪鶉嚟架 初時入到去function room驚喎...要走呀... 自己屋企樓下都驚?! 唯有叫HAYDEN爸帶佢去playground玩一陣先返入嚟啦 返到嚟又冇事喇喎~ 仲有同其他小朋友玩呀... 玩到冇嘢玩就玩HAYDEN媽啲頭髮囉... 到切蛋糕時間...所有小朋友出去唱生日歌 HAILEY媽嘅中學同學合照 (兩個爸爸當然唔係啦~) 雖然生日會仲未完,但係HAYDEN要返去瞓晏覺喇~ 多謝邀請...得閒要帶HAYDEN上去HAILEY屋企玩佢啲新玩具先~ p.s. 下個星期就知HAYDEN同HAILEY做唔做到同學仔架喇~2 days ago
尋晚hayden媽同hayden雖然好早瞓 可能hayden因唔舒服而半夜四點起咗身 點算? 9:30am要interview 唔會玩到天光啩?! 見hayden仲發燒到38點幾 餵佢飲少少奶加退燒水 半個鐘後瞓番,但係6點又起身 可以瞓多兩個鐘喎...好彩玩咗一陣又瞓番 但係...8點真係要hayden起身之時 發現佢燒到成39.5度 點算?仲有個幾小時就要interview 唯有同hayden塞藥 其實hayden媽覺得自己好變態 為咗想hayden去interview,係都要想辦法令到佢退燒 其實...健康係緊要過學業... hayden媽真想大罵自己一頓 諗下諗下,嘗試打去學校問下可唔可以改期 但係答案係impossible hayden媽再問even病都可以參加interview 接電話嗰個話冇問題~ fine~go!go!go! interview look with 病樣 病到眼睛都擘唔大 9:20am到達a-kinder正校 好彩我哋迫咗架車喺停車場咋,因為見到有警察抄緊迫咗喺正校門口嘅車 如果唔係呢個interview要比多$320surcharge 因為平時hayden上playgroup嘅係分校,所以hayden對於正校好陌生 入門口要量體溫,hayden竟然過到骨 可能塞藥真係可以大大減低溫度啦 跟住我哋上1樓interview 見到blogger小b佢哋喺入面in緊 9:30am到我哋喇...同小b媽傾咗幾句之後我哋就入班房interview 原來blogger依依姨嘅姨甥仔qq又係同我哋一齊in呀 我哋總共有4個小朋友&8個家長一齊in 入到班房小朋友可以玩下枱面嘅玩具warm up下 跟住老師就要一個家長陪小朋友繼續玩,有3個老師在旁observe小朋友 hayden媽派咗hayden爸去陪hayden,因為hayden媽要同另外一位老師group interview 問番hayden爸,佢話老師攞咗幾件玩具比hayden玩,應該係測試下小肌肉 其他嘅hayden爸好似發緊夢咁話唔記得喎 ...10 days ago
今早天氣真係好清涼 其實係有啲寒冷~ 不過HAYDEN一家唔可以喺屋企冬眠 因為今早要去中旅社幫HAYDEN申請回鄉卡 攪掂晒都係10點,去茶餐廳食番個早餐先 食完時間尚早,咁涼嘅天氣行下都好 近近地行去火車博物館探下真嘅THOMAS先 經過HAYDEN媽兒時住到5歲嘅屋企 當年住6樓,係一棟冇LIFT嘅唐樓 真係唔記得當年係點行上去 下一站係大埔墟... THE NEXT STATION IS TAI PO MARKET... "沙倚爭司DIE BU書" HAYDEN趕住落車?! 依家啲人都係用"發達窿",都少去售票處買飛喇... 以前買完飛唔駛經入閘機去月台,唔知會唔會有啲人好似HAYDEN咁一支箭咁衝去月台呢 please stand behind the yellow line (但係冇yellow line 喎) 聽說,以前係可以喺路軌行來行去...不過都唔係易行... 初時HAYDEN有啲驚,見行喺啲石上面唔係咁穩陣 背影-雖然HAYDEN媽中文只有中四程度,但係都記得有一課書係講背影,坐火車見到爸爸送別行過幾條火車軌去買橘子 (好似係咁~) 行咗一陣嘅HAYDEN唔驚喇...夠膽自己行,不過HAYDEN爸媽驚過佢 "THOMAS呀" 前面嘅客用車廂可以參觀,我哋當然要上去睇下啦 你哋有冇坐過柴油火車呢? 車廂入面好簡陋 呢個車廂應該係比之前嗰個升呢,起碼座位有軟墊 呢個時間嚟行真係幾舒服,人唔算多,天氣又okay,嚟呢度好多都係影相,例如比錢揾人影相嘅後生女 (HAYDEN媽當年都有呀,去九龍公園,紅屋仲有黃金海岸...睇番啲相好好笑,擺晒POSE咁...唔知第時比HAYDEN睇會唔會笑HAYDEN媽呢~) 今日活動係即慶,所以只係用傻瓜機影,下次要帶大機影下vintage一點嘅相先~ ...12 days ago
冬天真係來了~ HAYDEN媽放工嘅時候天都黑晒, 6點咋喎~ HAPPY FRIDAY, 好多人都出咗去飲嘢食飯行街睇戲 HAYDEN媽都去咗happy 不過係同HAYDEN去happy 因為公公婆婆帶咗HAYDEN去SNOOPYLAND去meet up放工去嘅HAYDEN媽 HAYDEN媽未到之時,公公婆婆打電話比HAYDEN媽話HAYDEN好想坐船仔喎 所以HAYDEN媽一去到SNOOPYLAND就要上船喇 真係風水輪流轉呀 以前細過就係公公陪HAYDEN媽去荔園坐船仔 依家就HAYDEN媽陪HAYDEN坐船仔 不過HAYDEN冇HAYDEN媽細個咁大膽喎,佢有啲驚驚呀~ 話咁快一個圈... 落船時,HAYDEN睇下扶佢嘅姐姐靚唔靚先~ 去停車場攞車時,見都CCK個大廣告 莫非HAYDEN以為相中嘅熹琳會出嚟追佢而係咁跑?!
