Content Preview: rss
10 days ago
好突然地, 今日就派左名了, 成個月前入左紙, Q既係北京五天... 派就派左韓國五天... 仲要係全韓國最CHEAP既團, 仲要夾客... 真係, 咁啱派米班主打俾我, 同我吹水時都忍唔住問左句, 你係唔係好憎我? 韓國, 剛剛上網睇天氣, 去果幾日都無雪... 有D失望... 希望住間三星之中好D既一間... 希望拍到一個好街, 如果俾我選, 北京之後一定係華東... 華東之後係泰國, 泰國之後係馬星, 之後先排到SEL同台灣... 因為SEL我本身無Q, 無心理準備... 去都等落雪先去啦... 而家都好似未係時侯... 仲要係凌雲機... 真係有D灰灰地... 去台灣可能仲好D, 因為唔駛買羽絨... 今晚為左買羽絨, 搞到十點幾仲係CB逛... 買左件黑色的, 無咩款可言... 買左先仲見到件靚仔D, 呢D就係自己衰衝動囉, 唔睇清楚先買, 本來有人幫下眼既, 不過呢對眼又突然頭痛, 令我有D失望... 今日好似有D事事不順咁, 好多野做, 仲有亞姐俾我既野係一樣都未郁... 明天要執出團料, RE CFM... 仲要問亞姐俾我放半日假... 好煩, 仲要問派米班主可唔可以出後D既北京時(少D人數既), 佢話我煩...咁你俾D我唔想要既野... 我都係問一句o者, 你要我幫手就得...我問一句就俾你話, 真係好灰, 唔怪得之近來派團都唔係好順啦... 而家最擔心係5/12既短周, 我唔去bbq, 都怕唔俾我出團... 點解要迫我地去bbq呀... 屯門呀, 我住香港仔架, 想我死咩? 勁唔想去...想出短棍呀...
14 days ago
今年STARBUCKS再出返上年既X'MAS口味限定LATTE~ 我既最愛拖肥LATTE又再出現了, 之前有個橙味都唔錯既, 雖知其實都係加有味既糖漿落去, 而且仲要接近四十蚊一杯呢, 我都係忍唔住買左來飲, 因為真係幾頂眼瞓同埋好好味呢~~ 小Q既誠意推介~~~~ 仲要個杯換左新衫, 好X'MAS FEEL呢, 雖然入左呢行, 都好少留港玩, 不過除左新年, X'MAS都係我第二個鐘意既節日, 另外小STEVE從馬星帶左益力多俾我地飲, 因為D多多係特別既味道, 所以佢就從馬星買返來做手信~ 我選左提子味, 個樽好美, 又好味~
19 days ago
前日真係嬲到震, 嬲到係咁發炆, 事源係今個星期五六日放三日, 咁Q左帶短棍, 一早就睇中左一團, 由4隻, 9隻, 12隻, 到22隻, 人數唔係多, 由唔CFM睇到佢CFM, 可能真係希望越大失望越大, 派米班主打俾我, 話我Q既都無開, 咁我話我想出呢團, 好快地佢話無問題, 點知幾分鐘後又話唔可以俾我, 因為佢要俾某同事出團搵錢, 叫我選其他忽必烈既坐車團, 我又唔係要人數, 我係預左坐車架麻, 跟住又話我唔可以淨係顧自己, 佢要俾果位同事搵錢, 又話我上一團都好大團, 咁我都係一團半團大團o者, 你係要搵d咁既例子嚟壓我真係無辦法, 咁我考慮一下, 又睇下有無咁好彩收到單女, 你唔俾我都唔得, 點知緊無咁好彩啦, 佢都忍唔住再打俾我, 問我出唔出, 又話根本郁唔到俾我, 咁就一開始唔好問我想出邊團啦, 咁我就決定左唔係呢團唔出, 佢就收左線, 根本佢講咩我都覺得唔啱聽, 唔派就唔好派, 唔好又話ok又抽我出來, 派俾果個人又係同一張q團紙, 咁會唔會想清楚先打俾我, 我高佢一級, 咁要我讓俾佢, 有d唔順氣, 考左牌無耐就要我讓俾佢, 憑咩? 俾d我服既藉口俾我聽得唔得? 咁佢要搵錢我就唔駛搵? 真係如果再要我讓俾佢, 我一定同你反面, 雖然我係成日都出團, 不過如果係覺得我成日出唔派既, 我都順d, 而唔係又話我大團又呢樣又果樣丫, 我帶左五團短棍, 得兩團過三十人, 咁我係唔係團團都大團先, 真係炆到我人都癲, 唯有改變策略, 同亞姐調左更, 下星期六短周再q, 唔好再同我講要我讓俾人, 我會發你老皮... 我好窮, 我係會發窮惡既...
