Content Preview: rss
20 days ago
去過台灣幾次, 今次係第一次去高雄, 雖然台灣我都祇不過係去過台北同花蓮, 而呢次高雄給我既感覺唔錯, 比起台北同花蓮我較喜歡高雄, 雖然高雄地方唔大, 但係作為悠閒旅遊, 短短逗留三兩日都唔錯, 高雄景點雖然唔多, 但係勝在當地人很有善、又有禮貌, 而且遊客唔多, 行得安心又舒服, 另外交通又方便, 飛機可以直達, 市內又有地鐵同火車真係好方便。高雄既消費亦相對較低, 而且食物都唔錯, 又有多個夜市, 環境衛生又做得好。 今次係高雄逗留四日三夜, 期間花左大半日坐火車去台南走了一轉, 遊了個安平古堡, 除了左係安平古堡會覺得係旅遊區, 好多遊客外, 係高雄市都冇見到咁多人。高雄既主要景點我地有興趣既都去晒, 第一日下午落機, 就去火車站附近走左一圈, 然後沿住中山一路走到六合夜市, 夜市既小食認真唔錯..... 第二日我地坐地鐵去到西子灣, 係西子灣租左單車睇住小地圖周圍踏, 租單車祇係要100台幣就可以玩足一日, 我地穿過西子灣隧道, 去到中大, 再到沙灘, 跟住去搵英國領事館, 因為領事館係山上, 我地差啲就MISS左佢, 事關佢係間廟隔離, 我指住山上問BILL會唔會係果度, 佢話你想睇廟咩, 我話唔想, 跟住我地就繼續沿路踏, 但係冇幾耐我就覺得唔對勁, 叫佢問下人先, 果然就係之前見到既地方。跟住我地仲踏單車坐渡輪去旗津半島, 係旗津北面沿住踏風小徑一直走, 再上燈塔, 落山後, 再係旗津遊左小半圈, 就返西子灣還車。跟住我地就行去駁二藝術區, 沿途仲穿越有成十幾廿條路軌既地方, 有啲似電影中既場景, 然去左豆皮咖啡飲下午茶, 跟住天黑了行去愛河, 坐船遊左半圈, 發現音樂館果邊有啲活動, 遊玩船就過去睇左一下, 之後經過歷史館, 發覺仲未關門, 而且免費, 所以又入去走走, 跟住隨便搵左個小店食完野就返酒店。 第三日一早出門坐火車去台南, 落火車後直接坐的士去安平古堡, 幸好我地去既時候較早, 人唔算太多, 可以慢慢遊逛, 跟住係古堡周邊遊了一下, 睇下其他景點, 中午時份去返古堡側既老街已經好多人, 食完中午, 就行左一陣橫街就返高雄。跟住我地去左巨蛋隔離係高雄最新最大既百貨公司, 人流算係喺高雄見到最多既一日, 可能係因為百貨公司做緊大減價, 我地都忍唔住手買左兩對鞋, 跟住就到百貨公司對面飲杯野休息一下, 然後就去附近既夜市吃火煱, ...
71 days ago
兩三個月前去新加坡的時候就發現，在那本無邊際的海岸線上有很多大型的貨輪，排得密密麻麻的，當時我們還以為新加坡的港口貨運業發達至此，貨輪都要在深港處等待，輪候靠岸上落貨。 直至今天我看到報紙報導才知道，其實那些都是没有船員、没有貨物、没有目的地的閒置貨輪，大約500艘包括運油輪、散貨船和貨櫃輪，集結在新加坡以東80公里海域，這裏是人類航海史上最大的船隻集結地，這些閒置的輪船被人們稱為「鬼船」，鬼船的數量其實除了表示現在低迷的航運業外，還反映出全球低迷的經濟環境。當這些鬼船再度啟航之時，全球經濟才真正復蘇。
90 days ago
從杭州回來幾天了, 杭州給人的感覺還不錯, 也許是因為被選為全國最佳旅遊城市的關係, 當地人對整體的市容、清潔、治安都特別關注。在這裏的公厠, 基本上都很乾淨(即使是很多人用的), 而且都不收費的。杭州的市面也很乾淨, 街上都没甚垃圾, 我還看到當有小朋友亂掉垃圾時, 父母都會即時教他說「不可以的」然後叫他拾起到垃圾筒裏掉, 這樣的情境在國內其他地方是甚少見的。另外這裏的警察也特別的多, 治安也可以, 祇是去到人多的地方還是要小心, 當我們在西湖時, 突然身後的保安員在驅趕一個人, 身邊的人細說應是小偷吧。 我不知道杭州一般的天氣麼樣, 但我們在的那幾天則不是太理想, 雖是天陰間中有雷雨, 但不下雨時還是熱得很, 而且空氣中總有很濃厚的煙霞, 不知是這裏天氣的特色, 還是像廣州那樣受工業發展所影響的後遺症, 這樣的空氣質素令這個以自然風景為主的旅遊城市大打折扣。 在杭州基本遊歷的時間是三天, 由於事前跟他相量過, 我們這次要輕鬆的逛, 不要趕走場似的, 所以我們花了兩天的時間遊西湖, 我們的酒店是在西湖旁, 第一天從酒店的左邊開始行沿住湖邊一直慢慢走, 一邊拍拍照, 中午到清河坊找吃的, 飯後下了場大雨, 為找個地方避雨, 又品嘗了當地有名的紅蝦, 味道一般, 之後又走回湖邊繼續行, 然後走上雷峰塔, 從高處欣賞這西湖美景。從塔上走下來已經六點了, 原想打車回去, 誰知不但等不到車, 還突然封路起來, 不知是否有甚麼是發生, 等了好一會還是没有解封, 就在附近找吃的, 由於雷峰塔對面是座寺院, 所以在它旁就有間素菜店, 在那裏食完飯後, 路面已經解封, 看不到有甚麼大人物出現, 但就順利打車回酒店。 第二天, 我們從酒店的右邊出發, 沿湖走不遠處, 先坐船到湖中小島一遊, 再坐船到對岸花港觀魚下船, 走過蘇堤已經很累, 在看岳廟附近找了吃的, 跟著逛岳廟, 再打車到靈隱寺, 這裏分靈隱寺景區及靈隱寺廟, 是分開收費的, 加起來每人要七十幾蚊, 都幾貴。遊完靈隱寺後, 打車返湖邊, 這次係斷橋下車, 因為旁邊吃的較多, 由於佢想飲咖啡, 所以就搵左間西餐廳坐低飲杯野先, 餐廳有雜誌, 當你行到累時, 可以坐下真係唔錯, 不過一壺咖啡或花茶都要四五十蚊, 係餐廳坐到天都黑, 索性就係度食埋飯。 第三天, 我地參加左個一日團去烏鎮, 烏鎮是一個古鎮, ...
125 days ago
返黎澳門之後一直都未有將新加坡之旅的後部寫出來, 依家就補充一下先。 完成左新加坡之行後我地並没有即刻返黎, 而係去左檳城玩幾日, 檳城我地之前都冇去過, 所以大家都唔熟。 7月15日, 中午抵達檳城機場後直接坐車到酒店, 酒店座落係海邊, 不過我地既房睇唔到。我地先係酒店附近食飯, 佢地啲食市有啲似新加坡, 美食廣場咁款, 不過就係舊式啲。跟住我地攞住張地圖諗住先行下酒店附近既景點, 地圖上係我地住既酒店附近有一小格放大圖, 我地見到附近似乎都應該有啲野睇下, 所以就跟住地圖搵。行左冇耐我地就發現兩座佛教廟, 係正對面, 一座係泰式, 一座係緬甸式, 兩座都以金色作為主色, 非常搶眼, 大家好似係度鬥搶鏡咁。睇完廟我地繼續向下一點出發, 期間我地行經一條比較繁忙既街道, 人較多, 車多, 兩邊有不少店舖, 但建築物都祇是一些祇有兩座高的舊建築。我們沿地圖的指示行才發現原來地圖所顯示的比例比我們想像中的要大, 行左好耐先行到一條街, 仲要去到啲位係搵唔到啲景點, 後尾搵到個舊總督府, 但係就祗見個門口同個大花園, 入唔到去, 又睇唔到啲咩, 結果我地祇係行左地圖果一小格既一半, 但係就足足唔停咁行左成四五個鐘至行到返酒店, 真係累死, 俾張地圖呃左, 行餐死。其實我地途中已經開始累, 但係我地發覺尼度啲交通設施同人行設備好差, 我地一路行有好多地方都冇人行, 但係車路就有好多車使過, 不過好少見到的士同巴士, 所以冇辦法搭車返酒店。好多路段祇有花圃草皮冇行人路, 有時甚至要行出馬路, 行幾個鐘祇見一條斑馬線同紅綠燈, 但係好耐至轉一次燈俾人過, 巴士站好少, 而且站內除左廣告外, 冇任何指示, 唔知有咩巴, 唔知會經邊, 都唔知點搭。佢同我講呢度政府因為要發展國內汽車業, 鼓勵買車, 所以家家戶戶都有車, 於是公交就做得差。 7月16日, 佢約左係檳城唯一認識的朋友食飯, 所以我地中午至出門, 佢朋友有車於是就車我地去食野同睇風景。佢帶我地去食野既地方主要都係啲舊式美食廣場, 相信呢啲係呢度既主要特式, 食物也是以一些福建河粉、叻沙、粿條為較出名, 至於味道方面我認為非太突出。但最有印象的是食榴槤, 平時我是不吃榴槤的, 但由於當地榴槤出名, 他朋友誠意拳拳車我地到一處海邊路, 路邊有一小販將幾個榴槤直接放在地下售買, 他選了一個, 叫小販打開, ...
112 days ago
突然要搬屋, 下星期就搬新屋。由全山景搬到半山景+半樓景, 由三樓搬到對面七樓, 雖然租貴左, 但裝修好左。唔使對住發霉起泡既牆, 唔使成日水渠滴水同塞住, 唔使廚房黑沈沈。不過要拾屋。 其實今次搬屋真係有啲突然, 事關雖然自從搬入黎後就不時向佢抱怨間屋尼度唔好, 果度唔好, 想佢整整間屋。但係屋係租返黎, 佢又唔想花錢, 要叫人黎整小小野又好麻煩, 而且尼度雖然遠啲, 不過佢好鐘意, 我都覺得尼度環境幾好。早排佢突然提出不如年底搬, 我覺得都OK, 事關已經有好多野殘殘舊舊, 唔想整, 搬都好既。 早幾日佢突然又話想早啲搬, 就打俾個經紀, 即日就睇左三間同村既單位, 都係重裝過既。第二日我地再睇多次兩個較平既單位就決定要最平果個, 不過租金都比依家貴, 個單位裝修後祇係有個外國人住過兩個月, 所以仲好新淨, 係我地住緊既對面, 一望就望到。個經紀仲想我地快啲搬, 因為同依家住緊果度同一個經紀, 所以舊單位既租期等問題都唔使理就OK, 所以就決定係12號前, 即原本交租期搬走, 所以搬得好急, 不過今日拾野進度都幾好, 下星期走得。 不過因為重裝過, 原本有既露台冇左(變左廳既一部份), 有啲可惜, 但係個廚房就大左, 個爐頭同櫥樻靚左好多。因為原先既傢私仲用得, 個經紀又俾我地搬埋啲舊傢私走, 所以傢私都會搬返過去用, 唔使買新野, 新屋已經有冷氣、熱水爐同洗衣機, 尼啲就唔使煩。
