Content Preview: rss
667 days ago
话咁快又过年啦～今年好冻啊～係火车站有几十万人滞留，搞道好似好乱咁～虽然呢两日恢复正常D，但係唔知道之后会点呢？wish天气会好D啦～千祈唔好搞到过年咁开心的时候有咩悲剧发生就好啦～ P.S. 前线工作的志愿者同警员军人们辛苦了～ 年二十八翻到学校，好冷清，成条路上面得零星的一两个人，不过我中意依家的学校，细雨下面自己可以享受个一份宁静，好似成个天地都係属于自己咁～每年过年我都会有一两日白天跑翻去学校个度，虽然话係怕D资源会删除，但係更多係享受一个人占据成间宿舍个种快感，可以随便唱歌，随便放也，随便中意做咩都无问题，一个绝对自由的空间。由于过年係学校的人真係非常少，所以每次都可以好尽兴～ 孤独？唔会啊，一个人其实唔错嘎～之前高人JH个阵曾经讲过，佢自己好怕一个人，所以先咁快JH，过两个人的生活，实行先JH后拍拖（虽然係咁讲，但係如果之前唔了解过，又点会JH哦～呵呵）嘛～～每个人都唔同的，好似有人曾经恋爱过就怕孤独，就算散拖都会不断拍；有人一直都係单身，就好享受呢份单身，对感情好慎重选择咁，每个人都有自己的choie的～ P.S.帮高人做伴郎都结识到几个姊妹，都几好倾的～ P.S.2原嚟JH真係好攰而且要使好多钱的…… 寻日同条虫食饭，食完去行花街，以下转述某几句话 虫：『花街？好啊，D食嘢的地方係边啊？』 虫：『金鱼啊？唔通係传说仲的捞金鱼？过去玩啦』（其实係卖金鱼的） 话说，你真係以为係日本的祭奠呢…… 还有几断对话略，私人问题，呵呵～不过总结到的就係： 你条虫真係一D都无变啊～^_^ 年三十晚要行花街，提前写好呢D啦～ 睇到呢个space的大家都新年快乐啦～ 小璘敬上
717 days ago
739 days ago
745 days ago
752 days ago
